Sunday, October 14, 2012

ഇന്ത്യ- റഷ്യന്‍ സംയുക്ത സംരംഭമായ അഞ്ചാം തലമുറ പോര്‍ വിമാനത്തിന്റെ കമ്മീഷനിംഗ് വൈകും. സര്‍വ്വീസ് എന്ട്രി 2020ല്‍ മാത്രം.



                     ലോക വന്‍ സൈനിക ശക്തിയാകുവാനുള്ള ഇന്ത്യയുടെ കാത്തിരിപ്പ് അല്‍പ്പം കൂടി വൈകും. ബ്രഹ്മോസ് മാതൃകയില്‍  ഇന്ത്യയും  റഷ്യയും സംയുക്തമായി വികസിപ്പിക്കുന്ന  അഞ്ചാം തലമുറ പോര്‍ വിമാനമായ sukhoi PAK FA - T50 യുടെ സര്‍വ്വീസ് എന്ട്രി നേരത്തെ പ്രഖ്യാപിച്ച 2017 ഇല്‍  നിന്നും 2020ലേക്ക് നീട്ടിവയ്ക്കാന്‍ തീരുമാനിച്ചു. കഴിഞ്ഞയാഴ്ച്ച ഇന്ത്യ സന്ദര്ശിച്ച റഷ്യന്‍ പ്രതിരോധ മന്ത്രി അനാറ്റൊളി സെര്‍ദ്യുക്കൊവും,  ഇന്ത്യയുടെ പ്രതിരോധ മന്ത്രി എ .കെ. ആന്റണിയും തമ്മില്‍ നടത്തിയ ചര്‍ച്ചയിലാണ് ഇക്കാര്യത്തില്‍ ധാരണയായത്. ചില സാങ്കേതിക പിഴവുകള്‍ കൂടി പരിഹരിക്കേണ്ടതുണ്ട് എന്നതിനാലാണ് കമ്മീഷനിംഗ് നീളുന്നത്.


                   ഇന്ത്യയും റഷ്യയും നിര്‍മ്മാണം സംബന്ധിച്ച് നടത്തിയ ഉടമ്പടി പ്രകാരം   48 ട്രെയിനര്‍ വിമാനങ്ങള്‍ ഉള്‍പ്പടെ ആകെ  214 വിമാനങ്ങളാണ് ഇന്ത്യക്ക് ലഭിക്കുക. 2017 ഇല്‍ ഇത് വിതരണം  ചെയ്യുമെന്നായിരുന്നു ആദ്യത്തെ ധാരണ. എന്നാല്‍ പുതിയ സാഹചര്യത്തില്‍ 2020 അവസാനത്തോടെ മാത്രമേ അഞ്ചാം തലമുറ യുദ്ധവിമാനം ഇന്ത്യയ്ക്ക് ലഭ്യമാവുകയുള്ളൂ. 



                            2011ലാണ് ഈ ശ്രേണിയില്‍ പെട്ട ആദ്യത്തെ യുദ്ധവിമാനം പുറത്തിറക്കിയത്. ഇതിന്റെ പരീക്ഷണ ഘട്ടങ്ങള്‍ ഇപ്പോഴും നടന്നു വരികയാണ്. അങ്ങിനെ നടത്തുന്ന പരീക്ഷണ പറക്കലുകളുടെ 
അടിസ്ഥാനത്തില്‍ സാങ്കേതിക പിഴവുകള്‍ പരിഹരിച്ച് ലോകത്തിലെ തന്നെ ഏറ്റവും മികച്ച സാങ്കേതിക തികവാര്‍ന്ന പോര്‍ വിമാനമായി ഇതിനെ അവതരിപ്പിക്കാനാണ് ഇന്ത്യയും റഷ്യയും ലക്ഷ്യമിടുന്നത്.

 


                         ഇന്ത്യന്‍ വിമാന നിര്‍മ്മാണ കമ്പനിയായ HALനും , റഷ്യന്‍ വിമാന നിര്‍മ്മാണ കമ്പനി SUKHOiക്കുമാണ് വിമാനത്തിന്റെ നിര്‍മ്മാണ ചുമതല.  ശത്രു രാജ്യത്തിന്റെ റഡാര്‍ കണ്ണുകള്‍ക്ക് ഒരിക്കലും കണ്ടു പിടിക്കാനാകാത്ത സ്റെല്ത് സാങ്കേതിക വിദ്യയാണ് ഈ വിമാനത്തിന്റെ പ്രത്യേകത.  ആണവായുധം ഉള്‍പ്പടെ പതിനായിരം ടണ്‍ ആയുധ സാമഗ്രികള്‍ വഹിച്ച് ശബ്ദത്തിന്റെ രണ്ടിരട്ടി വേഗത്തില്‍ അന്‍പതിനായിരം അടി ഉയരത്തില്‍ ശ ത്രുവിന്റെ കണ്ണില്‍ പെടുന്നതിനു മുന്പ് ബാക്രമണം നടത്തി തിരിച്ചെത്താന്‍ സാധിക്കുന്ന സാങ്കേതിക മികവാണ് ഇതിന്റെ മറൊരു  പ്രത്യേകത. നിലവിലെ ഏക അഞ്ചാം തലമുറ യുദ്ധവിമാനമായ അമേരിക്കയുടെ F 35ഉമായി തട്ടിച്ച് നോക്കിയാല്‍ സാങ്കേതിക തികവില്‍ ഏറെ മുന്നിലാണ് ഇന്ത്യാ റഷ്യന്‍ സംയുക്ത സംരംഭമായ sukhoi PAK FA - T50. ഇതിനു പുറമേ  ചൈനയും നിലവില്‍ അഞ്ചാം തലമുറ യുദ്ധവിമാനത്ത്തിന്റെ നിര്‍മ്മാണത്തിലാണ്. 2020 ഓടെ തന്നെ ചൈനയുടെ വിമാനവും പുറത്തി
റങ്ങുമെന്നാണ് പ്രതീക്ഷിക്കുന്നത്. 


Wednesday, August 8, 2012

ഇന്ത്യ തദ്ദേശീയമായി നിര്‍മ്മിക്കുന്ന ആദ്യത്തെ വിമാന വാഹിനി കപ്പല്‍ ഐ.എന്‍.... . എസ് വിശാലിന്റെ കമ്മീഷനിംഗ് രണ്ടു വര്‍ഷത്തേക്ക് നീട്ടി വച്ചു.


                           
ഇന്ത്യ പൂര്‍ണ്ണമായും തദ്ദേശീയമായി വികസിപ്പിക്കുന്ന ആദ്യത്തെ വിമാന വാഹിനിക്കപ്പല്‍ ഇപ്പോള്‍ കൊച്ചിയില്‍ നിര്‍മാണം നടന്നു വരികയാണ്. കൊച്ചിന്‍ ഷിപ്പിയാര്‍ഡ്‌ ലിമിറ്റഡിനാണ് കപ്പലിന്റെ നിര്‍മ്മാണ ചുമതല. അത്യന്താധുനിക സജ്ജീകരണങ്ങളോടെ ഒരുങ്ങുന്ന ഈ കപ്പല്‍ നാവിക സേനയ്ക്ക് ലഭ്യമാകുന്നതോടെ സ്വന്തമായി വിമാനവാഹിനിക്കപ്പല്‍ നിര്‍മ്മിക്കുന്ന ലോകത്തിലെ തന്നെ ഒരു വന്‍ നാവിക സംഘമായി മാറും. ഐ. എന്‍ . എസ് വിശാല്‍ എന്ന പേരിടാന്‍ ഉദ്ദേശിക്കുന്ന ഈ കപ്പല്‍ 2015 ഇല്‍ നിര്‍മ്മാണം പൂര്‍ത്തിയാക്കി ആവര്‍ഷം അവസാനത്തോടെ സേനയ്ക്കായി കൈമാറും എന്നാണ് നേരത്തെ  പ്രഖ്യാപിച്ചിരുന്നത്. എന്നാല്‍ നിര്‍മ്മാണം സമയ ബന്ധിതമായി പൂര്‍ത്തീകരിക്കാന്‍ സാധിക്കില്ല എന്നതിനാല്‍ കപ്പലിന്റെ കമ്മീഷനിംഗ് രണ്ടു വര്‍ഷത്തേക്ക് കൂടി നീട്ടിവയ്ക്കാന്‍ പ്രതിരോധ മന്ത്രാലയം തീരുമാനിച്ചിരിക്കുകയാണ്.  കപ്പലിനായുള്ള ചില വിദേശ നിര്‍മ്മിത ഉപകരണങ്ങള്‍ കയറ്റി കൊണ്ടുവരികയായിരുന്ന ട്രക്ക് കഴിഞ്ഞ ദിവസം പൂനെക്കടുത്ത് വച്ച് അപകടത്തില്‍ പെട്ടിരുന്നു. ഈ അപകടത്തില്‍ ഈ ഉപകാരങ്ങള്‍ക്ക് കൂടി തകരാര്‍ സംഭവിച്ചതാണ് ഇപ്പോളത്തെ പ്രതിസന്ധിക്ക് കാരണമായിരിക്കുന്നത്. കപ്പലിന്റെ ശേഷിക്കനുസരിച്ച്ചുള്ള ഓര്‍ഡര്‍ പ്രകാരം പ്രത്യേകം നിര്‍മ്മിക്കുന്ന ഉപകരണങ്ങള്‍ ആണ് അവ. അതിനാല്‍ തന്നെ വീണ്ടും ഓര്‍ഡര്‍ ചെയ്ത് ഉപകരണങ്ങള്‍ ഇന്ത്യയിലെത്തിക്കുന്നതിലെ കാല താമസമാണ് കപ്പലിന്റെ നിര്‍മ്മാണത്തെയും ഇപ്പോള്‍ ബാധിച്ചിരിക്കുന്നത്. ഈ സാഹചര്യത്തിലാണ് രണ്ടു വര്‍ഷമെങ്കിലും ഇല്ലാതെ കപ്പല്‍ സ്ജ്ജമാകില്ല എന്ന അവസ്ഥ ഉണ്ടായിരിക്കുന്നത്.



1999 ഇല്‍ അന്നത്തെ പ്രതിരോധ മന്ത്രി ജോര്‍ജ്ജ് ഫര്നാണ്ടാസ്സിന്റെ കാലത്താണ് സ്വന്തമായി നിര്‍മ്മിക്കുന്ന ഒരു വിമാന വാഹിനിക്കപ്പല്‍ എന്ന ആശയം ഉടലെടുക്കുന്നത്. പ്രോജക്റ്റ് 71- എയര്‍ ഡിഫന്‍സ് ഷിപ്പ് (Project-71"Air Defense ship") എന്ന  പേരില്‍ അതിന്റെ നടപടിക്രമങ്ങള്‍ ആരംഭിച്ചു. എന്നാല്‍ പദ്ധതി ഏറെക്കുറെ അന്തിമ രൂപത്തില്‍ ആയത് 2006 ഓടെ മാത്രമാണ്.  40000 ടണ്‍ സംഭരണ ശേഷിയുള്ള ലോകത്തിലെ എണ്ണം പറഞ്ഞ ഒരു വിമാന വാഹിനിക്കപ്പലിന്റെ നിര്‍മാണത്തിലേക്കുള്ള ഘട്ടങ്ങള്‍ അതോടെ എളുപ്പത്തിലായി.  29 പോര്‍ വിമാനങ്ങളും, ആക്രമണ നിരയിലുള്ള 10 ഹെലികോപ്ടരുകളും, ഒരേ സമയം ഓപ്പറേറ്റ് ചെയ്യാവുന്ന ഒരു പടക്കപ്പല്‍, 2.5 ഏക്കര്‍ (110,000 sq ft) വലിപ്പമുള്ള വിശാലമായ ഡക്ക്, 265 മീറ്റരില്‍ ഏറെ നീളമുള്ള റണ്‍വേ,  STOBAR (Short Take-Off But Arrested Recovery) പോലെയുള്ള വിമാനങ്ങളുടെ ടേക്ക് ഓഫും, തിരിച്ച് ഇറങ്ങലും സുഗമമാക്കുന്നതിനുള്ള  സാങ്കേതികവിദ്യ, ആണവ പടക്കൊപ്പുകള്‍ വഹിക്കുന്നതിനുള്ള ശേഷി,  ഇത്തരത്തില്‍ സാങ്കേതിക മികവു കൊണ്ടും, പ്രവര്‍ത്തന മികവുകൊണ്ടും ലോകത്തിലെ വന്‍ നാവിക ശക്തികളില്‍ ഒന്നാവാനുള്ള ഇന്ത്യുടെ ശ്രമങ്ങള്‍ക്ക് എന്തുകൊണ്ടും അനുയോജമാണ് ഈ കപ്പല്‍. ഇന്ത്യന്‍ മഹാ സമുദ്രത്തില്‍ ചൈനയുയര്ത്തുന്ന വെല്ലുവിളികള്‍ക്ക് അതെ നാണയത്തില്‍ മറുപടി പറയാനും ഈ കപ്പലിന്റെ രംഗ പ്രവേശനം ഇന്ത്യക്ക് സഹായകമാകും. 
 

Monday, July 2, 2012

വരുന്നു ഇന്ത്യ കാത്തിരുന്ന ഐ.എന്‍.എസ് വിക്രമാദിത്യ. അവസാന വട്ട പരിശീലനം തുടങ്ങി.

ഇന്ത്യ റഷ്യയില്‍ നിന്ന വാങ്ങിക്കുന്ന വിമാന വാഹിനി കപ്പല്‍ അഡ്മിറല്‍ ഘോര്‍ഷ്ക്കൊവ് അന്തിമ പരിശീലനം തുടങ്ങി. ഈ വര്‍ഷം അവസാനം കപ്പല്‍ ഇന്ത്യയ്ക്ക് കൈമാറും. സോവ്യെറ്റ് യൂണിയന്റെ അവസാന കാലത്ത് നിര്‍മ്മിച്ച വിമാന വാഹിനി കപ്പലാണ് അഡ്മിറല്‍ ഘോര്‍ഷ്ക്കൊവ്. ആ കാലത്ത് ലോകത്തിലെ തന്നെ എറ്റവും മികച്ച യുദ്ധ കപ്പലുകളില്‍ ഒന്ന് കൂടിയായിരുന്നു അത്. എന്നാല്‍ സോവ്യെറ്റ് യൂണിയന്റെ തകര്‍ച്ചയോടെ വലിയ സാമ്പത്തിക ബാധ്യത അഭിമുഖീകരിക്കേണ്ടി വന്ന റഷ്യ പത്തു കൊല്ലക്കാലത്തെ സേവനത്തിനു ശേഷം ഈ കപ്പലിനെ വിശ്രമ ജീവിതം നയിക്കാന്‍ അയച്ചു. ഇതിനിടെയാണ് ഇന്ത്യയുടെ ബ്രിട്ടീഷ് കാലത്തെ യുദ്ധ കപ്പലായ ഐ.എന്‍. എസ് വിക്രാന്ത് 1997 ല്‍ പ്രവര്‍ത്തനം അവസാനിപ്പിച്ചത്. ബ്രിട്ടീഷ് കാലത്തെ യുദ്ധ കപ്പലായ ഐ.എന്‍. എസ് വിരാട് ഇപ്പോളും നാവിക സേനയ്ക്കായി പ്രവര്‍ത്തിക്കുന്നുണ്ട് എങ്കിലും കാലപ്പഴക്കം അതിനെയും സാരമായി ബാധിച്ചിട്ടുണ്ട്. അതിനിടെ ചൈന ഇന്ത്യന്‍ മഹാസമുദ്രത്തില്‍ ഇന്ത്യയ്ക്കുള്ള മേധാവിത്വം ചോദ്യം ചെയ്യുന്ന തരത്തില്‍ നാവിക ബലം വര്ധിപ്പിക്കുകയുമാണ്. ഈ ഒരു ഘട്ടത്തില്‍ 2004 ല്‍ ആണ് പുതിയ ഒരു വിമാന വാഹിനി കപ്പലിന്റെ ആവശ്യകത ഇന്ത്യ ആലോചിക്കുന്നത്. സ്വന്തമായി വികസിപ്പിക്കുന്ന വിമാന വാഹിനിക്കപ്പല്‍ ഇപ്പോള്‍ കൊച്ചിയില്‍ നിര്‍മ്മാണ ഘട്ടത്തിലുമാണ്. ഈ സാഹചര്യത്തിലാണ് പഴയ സോവ്യെറ്റ് കരുത്തില്‍ ഇന്ത്യ വിശ്വാസം അര്‍പ്പിച്ചത്. ഏകദേശം അയ്യായിരം കോടി രൂപയക്ക് കപ്പല്‍ ഇന്ത്യയ്ക്ക് കൈമാറാന്‍ റഷ്യ തയ്യാറായി. ഇന്ത്യയും റഷ്യയും തമ്മില്‍ അക്കാര്യത്തില്‍ ധാരണയില്‍ എത്തി. ഇത് പ്രകാരം 2008 ല്‍ ഇന്ത്യയ്ക്ക് കിട്ടേണ്ടതായിരുന്നു കപ്പല്‍.
എന്നാല്‍ പഴയ സോവ്യെറ്റ് യൂനിയനല്ല ഇന്നത്തെ റഷ്യ എന്ന്‍ തെളിയിക്കുന്നതായിരുന്നു പിന്നത്തെ സംഭവ വികാസങ്ങള്‍. ആദ്യത്തെ കരാര്‍ തുകയില്‍ നിന്ന് റഷ്യ പിന്മാറി. പുതുക്കിയ തുക നിശ്ചയിച്ചു. അത് ഇന്ത്യ അംഗീകരിച്ചു. അപ്പോള്‍ റഷ്യ വീണ്ടും കളിച്ചു. പല തവണ ഇതാവര്‍ത്തിച്ചു. ഈ നിലയ്ക്കാണെങ്കില്‍ കരാറില്‍ നിന്ന് പിന്മാറാന്‍ പോലും ഇന്ത്യ തയ്യാറായി. ചര്‍ച്ചകള്‍ പലതവണ നടന്നു. ഒടുവില്‍ ഏകദേശം 12000 കോടിയിലേറെ രൂപയ്ക്ക് കപ്പല്‍ വില്‍പ്പന നടത്താന്‍ ധാരണയായി. കപ്പല്‍ പൂര്‍ണ്ണമായും പൊളിച്ചു പുതിയ ഉപകരണങ്ങളും, നൂതന സാങ്കേതിക വിദ്യയും ഉള്‍ക്കൊള്ളിച്ച് പണിഞ്ഞു. അവസാന മിനുക്ക്‌ പണികളും കഴിഞ്ഞു. ഇപ്പോള്‍ ഇന്ത്യന്‍ നാവിക സേനയിലെ അംഗങ്ങള്‍ പരിശീലനം നടത്തി വരികയാണ് കപ്പലില്‍. ഔദ്യോഗികമായ കൈമാറ്റം 2012 ഡിസംബര്‍ 4 ന് നടക്കും. അതോടെ അഡ്മിറല്‍ ഘോര്‍ഷ്ക്കൊവ് ഐ.എന്‍.എസ് വിക്രമാദിത്യ എന്ന പേരില്‍ ഇന്ത്യയുടെ അഭിമാനമായിമാറും.
...................................................
 ഒരേ സമയം 24 വരെ മിഗ്- 29K വിഭാഗത്തില്‍ പെടുന്ന പോര്‍ വിമാനങ്ങളും, 10 ഹെലികോപ്ടരുകളും വഹിക്കാന്‍ ഐ.എന്‍.എസ് വിക്രമാദിത്യയ്ക്ക് കഴിയും. ആകെ 283 മീറ്റര്‍ നീളമുള്ള കപ്പലില്‍ റണ്‍ വേയുടെ നീളം 180 മീറ്റര്‍ ആണ്.

Sunday, May 23, 2010

ഇന്ത്യ തദ്ദേശീയമായി നിര്‍മ്മിച്ച ലൈറ്റ് കോംപാക്റ്റ്‌ ഹെലികോപടര്‍ രാജ്യത്തിനു സമര്‍പ്പിച്ചു. EXCLUSIVE PHOTOS, part 2




ഇന്ത്യ തദ്ദേശീയമായി നിര്‍മ്മിച്ച ലൈറ്റ് കോംപാക്റ്റ്‌ ഹെലികോപടര്‍ രാജ്യത്തിനു സമര്‍പ്പിച്ചു. EXCLUSIVE PHOTOS

ബംഗലുരുവിലെ എച്.എ.എല്‍ കമ്പനിയാണ് ലൈറ്റ് കോംപാക്റ്റ്‌ ഹെലികോപടര്‍ നിര്‍മ്മിച്ചിരിക്കുന്നത്. ഇന്ത്യയുടെ പക്കലുള്ള എറ്റവും പ്രഹര ശേഷിയുള്ള ഹെലികോപടറുകളില്‍ ഒന്നുകൂടിയാണ് ഇത്. പ്രതിരോധ മന്ത്രി എ.കെ ആന്റണി ചടങ്ങിനെത്തും എന്ന് നേരത്തെ പറഞ്ഞിരുന്നെങ്ങിലും മംഗലാപുരം വിമാന ദുരന്ടത്ത്തിന്റെ പശ്ചാത്തലത്തില്‍ അദ്ദേഹം പരിപാടി റദ്ദ് ചെയ്തു.





Sunday, May 9, 2010

'യുദ്ധശക്തി' അഭ്യാസ പ്രകടനം സമാപിച്ചു

വ്യോമസേന കഴിഞ്ഞമാസം പോഖ്രാനില്‍ നടത്തിയ വായുശക്തി വ്യോമാഭ്യാസ പ്രകടനത്തിന് ശേഷം സേനയുടെ ശക്തി വെളിവാക്കുന്നതിനു കരസേന സംഘടിപ്പിച്ച 'യുദ്ധശക്തി' അഭ്യാസ പ്രകടനം സമാപിച്ചു. ഒരുമാസം നീണ്ടു നിന്ന ശക്തി പ്രകടനം പാകിസ്താന്‍ അടുത്തിടെ 50000 സൈനികരെ അണിനിരത്തി നടത്തിയ അസം-ഇ-നുല്‍ സൈനീക അഭ്യാസത്തിനുള്ള പരോക്ഷ മറുപടി കൂടിയാണ്. ഒപ്പം ഏതു വെല്ലുവിളിയും നേരിടാന്‍ കേന്ദ്ര സേനകള്‍ ഒരുക്കമാണ് എന്ന സന്ദേശവും.

പോഖ്രാനില്‍ പാക്ക് അതിര്‍ത്തിയോട് ചേര്‍ന്നാണ് കരസേന അഭ്യാസപ്രകടനങ്ങള്‍ സംഘടിപ്പിച്ചത്. കരസേനയുടെ ടാങ്കുകള്‍, മിസൈലുകള്‍, മിസൈല്‍ വേധ മിസൈലുകള്‍ തുടങ്ങി വിവിധ യുദ്ധോപകരണങ്ങള്‍ പ്രകടനത്തില്‍ അണിനിരന്നു. വ്യോമസേനാ വിമാനങ്ങളും പ്രകടനത്തില്‍ പങ്കെടത്തിരുന്നു. അയ്യായിരത്തോളം സൈനികരാണ് അഭ്യാസ പ്രകടനത്തില്‍ പങ്കെടുത്തത്. പകല്‍ യുദ്ധ പ്രകടനങ്ങള്‍ക്ക് പുറമേ സേനയുടെ രാത്രികാല ഒപ്പരേഷനുകളുടെ പ്രകടനവും യുദ്ധശക്തി അഭ്യാസത്തില്‍ ഉണ്ടായി.

Friday, May 7, 2010

ഹെര്‍കുലീസ് c130 ട്രാന്‍സ്പോര്‍ട്ട് എയര്‍ ക്രാഫ്റ്റ് ഈവര്‍ഷം അവസാനത്തോടെ ഇന്ത്യയില്‍ എത്തും.

അമേരിക്കയില്‍ നിന്ന് ഇന്ത്യ വാങ്ങിക്കുന്ന ഹെര്‍കുലീസ് c130 ട്രാന്‍സ്പോര്‍ട്ട് എയര്‍ ക്രാഫ്റ്റ് പരീക്ഷണ പറക്കലിന് തയ്യാറായി. അമേരിക്കയിലെ പ്രമുഖ വിമാന നിര്‍മ്മാതാക്കളായ ലോക്‌ഹീഡ് മാര്‍ടീനാണ് ഇന്ത്യയ്ക്കായി 6 ഹെര്‍കുലീസ് c130 ട്രാന്‍സ്പോര്‍ട്ട് എയര്‍ ക്രഫ്റുകള്‍ നിര്‍മ്മിച്ച് നല്‍കുന്നത്. അടുത്തമാസം ആദ്യം തന്നെ കപ്പലിന്റെ പരീക്ഷണ പറക്കല്‍ നടക്കും. ഈ വര്‍ഷം അവസാനത്തോടെ ഇക്കൂട്ടത്തില്‍ ആദ്യത്തെ വിമാനം ഇന്ത്യയ്ക്ക് കൈമാറും എന്നാണ് പ്രതീക്ഷിക്കുന്നത്. അടുത്ത വര്‍ഷം മധ്യത്തോടെ മുഴുവന്‍ വിമാനങ്ങളും ഇന്ത്യയ്ക്ക് കൈമാറുമെന്ന് ലോക്‌ഹീഡ് മാര്‍ട്ടീന്‍ വക്താവ് അറിയിച്ചു



ഐ.എന്‍.എസ് ചക്ര ആണവ മുങ്ങിക്കപ്പല്‍ അടുത്തമാസം അവസാനം ഇന്ത്യയിലെത്തും.

റഷ്യയില്‍ നിന്ന് ഇന്ത്യ പാട്ടത്തിനെടുക്കുന്ന ആകുള ക്ലാസില്‍ പെടുന്ന ആണവ മുങ്ങിക്കപ്പല്‍ ഐ.എന്‍.എസ് ചക്ര അടുത്ത മാസം അവസാനത്തോടെ ഇന്ത്യയില്‍ എത്തും. റഷ്യയില്‍ നിന്ന് 650 ദശലക്ഷം അമേരിക്കന്‍ ഡോളര്‍ ചിലവില്‍ പത്ത് വര്‍ഷത്തേക്ക് പാട്ട വ്യവസ്ഥയിലാണ് ഈ മുങ്ങിക്കപ്പല്‍ ഇന്ത്യ വാങ്ങിക്കുന്നത്.



Thursday, April 29, 2010

ഇന്ത്യയുടെ ആദ്യത്തെ പുതുതലമുറ പടക്കപല്‍ ഐ.എന്‍.എസ് ഷിവാലിക് കമ്മീഷന്‍ ചെയ്തു

മുംബൈയിലെ നാവിക സേന കപ്പല്‍ ശാലയില്‍ നിര്‍മാണം പൂര്‍ത്തിയായ ഈ കപ്പല്‍ ലോകത്തിലെ എറ്റവും വലിയ സ്റെല്ത് ഫ്രിഗേറ്റ് പടക്കപ്പല്‍ ആണ്.സാങ്കേതിക തികവ് കൊണ്ട് ഇന്ത്യയുടെ എറ്റവും മികച്ച കപ്പല്‍ കൂടിയാണ് ഇത്.
മുംബൈയില്‍ പ്രതിരോധ മന്ത്രി എ.കെ.ആന്റണി കപ്പല്‍ രാജ്യത്തിനു സമര്പ്പീച്ചു.





Friday, April 23, 2010

മലബാര്‍ നാവികാഭ്യാസത്തിനു തുടക്കമായി

ഇന്ത്യ അമേരിക്ക പ്രതി വര്‍ഷ സംയുക്ത നാവികാഭ്യാസമായ മലബാര്‍ നാവികാഭ്യാസത്തിനു തുടക്കമായി അറബിക്കടലില്‍ ഗോവന്‍ തീരത്താണ് സൈനികാഭ്യാസം നടക്കുന്നത്. മേയ് രണ്ടുവരെ നാവികാഭ്യാസം നീണ്ടു നില്‍ക്കും. ജപ്പാന്‍ തീരത്തെ അമേരിക്കന്‍ നാവിക താവളമായ യോക്കോസുക താവളത്തില്‍ നിന്നുള്ള നാവിക സംഘമാണ് ഇക്കുറി മലബാര്‍ അഭ്യസത്തിനായി ഇന്ത്യയില്‍ എത്തുന്നത്. അമേരിക്കന്‍ നാവികസേനയുടെ മുന്‍ നിര പടക്കപ്പലുകളായ Cruiser USS Shiloh (CG 67), Destroyers USS Chaffee (DDG 90), USS Lassen (DDG 82) Frigate USS Curts (FFG 38).
എന്നീ കപ്പലുകളും ആണവ മുങ്ങിക്കപ്പല്‍ ആയ USS Annapolis (SSN 760) രണ്ടു നാവികസേന വിമാനങ്ങളും ആണ് അഭ്യാസത്തിനായി ഇന്ത്യയില്‍ എത്തിയിട്ടുള്ളത്. ഇന്ത്യയുടെ മുന്‍നിര പടക്കപ്പലുകള്‍ ആയ INS മൈസൂര്‍, INS ഗോദാവരി, INS ബ്രഹ്മപുത്ര, INS ടബാര്‍ എന്നീ കപ്പലുകളും, INS ഷന്കുഷ് എന്ന മുങ്ങിക്കപ്പലും, രണ്ടു സീ ഹാരിയര്‍ വിമാനങ്ങളും, അഭ്യാസത്തില്‍ പങ്കെടുക്കുന്നുണ്ട്.


Thursday, April 22, 2010

അടുത്ത വര്‍ഷത്തോടെ 40 സുകോയി വിമാനങ്ങളില്‍ ബ്രഹ്മോസ് മിസൈലുകള്‍ ഘടിപ്പിക്കും


ഇന്ത്യയും റഷ്യയും സംയുക്തമായി വികസിപ്പിച്ച ബ്രഹ്മോസ് സൂപ്പര്‍ സോണിക് മിസൈലുകളുടെ എയര്‍ ഫോഴ്സ് വേര്‍ഷന്‍ അടുത്ത വര്‍ഷത്തോടെ പ്രവര്‍ത്തന സജ്ജമാകും. അടുത്തവര്‍ഷം ആദ്യം തന്നെ ഈ മിസൈലുകള്‍ ഘടിപ്പിച്ച യുദ്ധവിമാനങ്ങള്‍ തയ്യാറാകും. റഷ്യന്‍ നിര്‍മ്മിത സുകോയി-30MKI വിമാനങ്ങളിലാകും മിസൈലുകള്‍ ഘടിപ്പിക്കുക. ആദ്യഘട്ടത്തില്‍ 40 വിമാനങ്ങളില്‍ ബ്രഹ്മോസ് സുപ്പര്‍ സോണിക് മിസൈല്‍ ഘടിപ്പിക്കും. ആണവ പോര്‍മുനയുള്ള ഈ മിസൈലിന് 300 കിലോ വരെ ഭാരം വഹിച്ച് ശബ്ദത്തേക്കാള്‍ ഇരട്ടി വേഗത്തില്‍ 290 കിലോമീറ്റര്‍ വരെ ദൂരെയുള്ള ലക്ഷ്യത്തിലെത്താന്‍ സാധിക്കും.

അടുത്ത പത്ത് വര്‍ഷത്തിനകം 16 സ്ടെല്‍ത്ത് ഫ്രിഗേറ്റ് യുദ്ധക്കപ്പല്‍ കൂടി

നാവിക സേനയെ സുസജ്ജമാക്കുന്നതിന്റെ ഭാഗമായിട്ടാണ് കൂടുതല്‍ പടക്കപ്പലുകള്‍ വാങ്ങിക്കുവാന്‍ ഇന്ത്യ തീരുമാനിച്ചത്. ഇതിന്റെ ഭാഗമായി ഫ്രിഗേറ്റ് വിഭാഗത്തില്‍പെടുന്ന 16 സ്ടെല്‍ത്ത് യുദ്ധക്കപലുകള്‍ കൂടി നാവികസേനയ്കായി വാങ്ങുന്നത്. ഇതില്‍ ആറെണ്ണം റഷ്യയില്‍ നിന്നും ബാക്കി 10 എണ്ണം തദ്ദേശീയമായി നിര്‍മ്മിക്കുന്നതുമാണ്. 2900 രൂപയാണ് ഓരോ കപ്പലിനും പ്രതീക്ഷിക്കുന്ന തുക. റഷ്യയില്‍ നിന്നുള്ള ആര് കപ്പലുകള്‍ അടുത്ത വര്ഷം അവസാനത്തോടെ ലഭിക്കും. ഇന്ത്യ തദ്ദേശീയമായി നിര്‍മ്മിക്കുന്ന പത്ത് എണ്ണത്തില്‍ ആദ്യത്തെ കപ്പലായ INS ഷിവാലിക്ക് അടുത്ത 29 ന് കമ്മീഷന്‍ ചെയ്യും. INS സത്പുത്ര, INS സഹ്യാദ്രി എന്നീ കപ്പലുകള്‍ ഇപ്പോള്‍ നിര്‍മ്മാണത്തിലാണ്. ഈ കപ്പലുകള്‍ അടുത്ത വര്‍ഷത്തോടെ നാവികസേനയുടെ ഭാഗമാകും.

Tuesday, April 20, 2010

ഇന്ത്യ സ്വയം വികസിപ്പിച്ച കൊവേര്ട്ട് വിഭാഗത്തില്‍ പെടുന്ന പടക്കപ്പല്‍ I N S കമോര്ട നീറ്റിലിറങ്ങി

മുങ്ങിക്കപ്പലുകള്‍ക്കെതിരായ നീക്കത്തിനായി ഇന്ത്യ തദ്ദേശീയമായി വികസിപ്പിച്ച ആദ്യത്തെ കൊവേര്ട്ട് വിഭാഗത്തില്‍ പെടുന്ന യുദ്ധക്കപ്പലാണ് I N S കമോര്ട. കൊല്‍ക്കത്തയില്‍ നടന്ന ചടങ്ങില്‍ കേന്ദ്ര പ്രതിരോധ സഹമന്ത്രി പള്ളം രാജുവാണ് കപ്പലിന്റെ ലോഞ്ചിംഗ് കര്‍മ്മം നിര്‍വഹിച്ചത്. മുങ്ങിക്കപ്പല്‍ വേധ മിസൈലുകളും, ടോര്‍പ്പിടോകളും അടക്കം നിരവധി അത്യന്ടധുനിക ആയുധങ്ങള്‍ ഈ കപ്പലില്‍ തയ്യാറാക്കിയിട്ടുണ്ട്.







Monday, April 19, 2010

HJT സിതാര എയര്‍ക്രാഫ്റ്റ് എക്സ്ക്ലൂസീവ് ഫോട്ടോസ്

വ്യോമാസേനയ്ക്കായി ഇന്ത്യ തദ്ദേശീയമായി നിര്‍മ്മിച്ചതാണ് HJT സിതാര എയര്‍ക്രാഫ്റ്റ്. നിലവില്‍ വ്യോമസേനയുടെ ട്രെയിനര്‍ എയര്‍ക്രാഫ്റ്റ് കിരണ്‍ വിഭാഗത്തില്‍ പെടുന്ന വിമാനങ്ങള്‍ മാറ്റി പകരം പരിശീലനത്തിന് ഉപയോഗിക്കനായാണ് പുതിയ വിമാനങ്ങള്‍ ഉപയോഗിക്കുക. നിലവില്‍ നിര്‍മാണത്തില്‍ ഇരിക്കുന്ന HJT sithaara എയര്‍ക്രാഫ്റ്റുകളില്‍ ആദ്യത്തേത് മാത്രമാണ് ഇപ്പോള്‍ തയ്യാറായിരിക്കുന്നത്. പരീക്ഷണ പറക്കലുകള്‍ക്കും വിശദമായ പരിശോധനകള്‍ക്കും ശേഷം മാത്രമായിരിക്കും ഈ വിമാനം വ്യോമസേന പൈലറ്റുമാരെ പരിശീലിപ്പിക്കാന്‍ ഉപയോഗിക്കുക.




Saturday, April 17, 2010

കരസേനയ്ക്കായി വന്‍തോതില്‍ ആകാശ് മിസൈലുകള്‍ വാങ്ങുന്നു


വ്യോമ പ്രതിരോധത്തിനായി ഇന്ത്യ തദ്ദേശീയമായി നിര്‍മ്മിച്ച ആകാശ് വ്യോമ പ്രതിരോധ മിസൈലുകള്‍ വാങ്ങിക്കുവാന്‍ കരസേന തീരുമാനിച്ചു. 4279 കോടി രൂപ ചിലവിലാണ് ഭാരത്‌ ഇലക്ട്രിക്കല് ലിമിറ്റഡില്‍ നിന്ന് കരസേന ആകാശ് മിസൈലുകള്‍ വാങ്ങിക്കുന്നത്. 1221 കോടി രൂപാ ചിലവില്‍ 750 ആകാശ് മിസൈലുകള്‍ വാങ്ങിക്കുന്നതിന് കഴിഞ്ഞ ഫെബ്രുവരിയില്‍ വ്യോമസേനയുമായി ഉണ്ടാക്കിയ കരാറിന് ശേഷം ഭാരത്‌ ഇലക്ട്രിക്കല് ലിമിറ്റഡുമായി ഉണ്ടാക്കുന്ന എറ്റവും വലിയ കരാറാണ് ഇത്

ഒരു ആക്രമണ മിസൈല്‍ എന്നതിനേക്കാള്‍ വ്യോമാപ്രതിരോധം തന്നെയാണ് ആകാശ് മിസൈലിന്റെ എറ്റവും പ്രധാന ധര്‍മ്മം. ശത്രു രാജ്യത്തില്‍ നിന്ന് രാജ്യത്തിന്റെ വ്യോമാതിര്‍ത്തി കാത്തു സുക്ഷിക്കുന്നതിനാണ് ഈ മിസൈലുകള്‍ ഉപയോഗിക്കുന്നത്. ആകാശത്ത് 30 കിലോമീറ്റര്‍ ഉയരത്തില്‍ വരെ പറക്കുന്ന ശത്രു രാജ്യത്തിന്റെ വിമാനങ്ങള്‍ക്കെതിരെ എറ്റവും ഫലപ്രദമായി ഉപയോഗിക്കുവാന്‍ കഴിയുന്നതാണ് ആകാശ് മിസൈല്‍. സ്ഥിരമായി ഉറപ്പിച്ച വിക്ഷേപണത്തറയില്‍ നിന്നോ അല്ലെങ്കില്‍ ഏതെങ്കിലും വാഹനത്തിന്റെ മുകളില്‍ ഘടിപ്പിച്ച മിസൈല്‍ ലോന്ച്ചരില്‍ നിന്നോ ഒരുപോലെ ഈ മിസൈലുകള്‍ പ്രയോഗിക്കാം. ഒപ്പം ഒരു ആക്രമണ മിസൈലിന്റെ മാതൃകയില്‍ അണ്വായുധം വഹിക്കാനും ഈമിസൈലിനാകും. 60 കിലോ വരെ ആണവായുധം വഹിക്കാന്‍ ഇതിനു ശേഷിയുണ്ട്.

Saturday, April 10, 2010

പാകിസ്ഥാന്റെ ചരിത്രത്തിലെ എറ്റവും വലിയ സൈനികാഭ്യാസം തുടങ്ങി


50,000 ഭടന്മാര്‍, വന്‍ ആയുധ ശേഖരങ്ങള്‍, പാക്‌ വ്യോമസേന. പാക്ക് ചരിത്രത്തിലെ എറ്റവും വലിയ സൈനിക അഭ്യാസം. ഇന്ത്യന്‍ അതിര്‍ത്തിയോട് ചേര്‍ന്നാണ് പാക്കിസ്ഥാന്റെ സൈനികാഭ്യാസം. കഴിഞ്ഞമാസം ഇന്ത്യപോഖ്രാനില്‍ നടത്തിയ വായുശക്തി വ്യോമാഭ്യാസ പ്രകടനത്തിനും, ഈമാസം അവസാനം നടത്തുന്ന യുദ്ധശക്തി സെനാഭ്യാസത്തിനും മറുപടിയായാണ് പാക്കിസ്ഥാന്റെ സൈനികാഭ്യാസ പ്രകടനം. അസം-ഇ-നൌ എന്ന് പേരിട്ടിരിക്കുന്ന അഭ്യാസ പ്രകടനം ഒരുമാസം നീണ്ടു നില്‍ക്കും. തങ്ങള്‍ ആരെയും ഭീഷണിപെടുത്താനല്ല, പകരം സ്വന്തം സേനയുടെ പ്രകടനം വിലയിരുത്താനും, ഏതു വെല്ലുവിളിയും നേരിടാന്‍ തങ്ങള്‍ ഒരുക്കമാണ് എന്ന് തെളിയിക്കാനും ആണ് ഈ പ്രകടനം എന്ന് പാക്ക് സേന അറിയിച്ചു.

ഇന്ത്യ തദ്ധെശീയമായി നിര്‍മ്മിച്ച ആദ്യത്തെ സ്റെല്ത് ഫ്രിഗേറ്റ് യുദ്ധക്കപ്പല്‍ EXCLUSIVE PHOTOS

ഇന്ത്യ തദ്ധെശീയമായി നിര്‍മ്മിച്ച ആദ്യത്തെ സ്റെല്ത് ഫ്രിഗേറ്റ് യുദ്ധക്കപ്പല്‍ INS Shevalik ഈമാസം അവസാനത്തോടെ കമ്മീഷന്‍ ചെയ്യും. പ്രവര്‍ത്തന സജ്ജമാകുന്നതോടെ ഇന്ത്യയുടെ മുന്‍നിര ഫ്രിഗേറ്റ് യുധക്കപ്പലീകും ഇത്. ശത്രു രാജ്യങ്ങളുടെ റഡാറുകളുടെ കണ്ണില്‍ എളുപ്പം പെടില്ലെന്നതാണ് ഈ കപ്പലിന്റെ പ്രത്യേകത.ബ്രഹ്മോസ് സൂപ്പര്‍ സോണിക് മിസൈലുകളടക്കം വന്‍ ആയുധ ശേഖരവും കപ്പലിലുണ്ടാകും.